銀行稅

身處香港咁多年，第一次感受到作為香港市民，原來自己要繳交銀行稅．

在兩年以前，在聯匯利率底下，其實好難想像美國加息或減息，香港可以唔跟從．

就算是有，都是少幅度的，或只是時間差的問題．

今天美國大幅減息0.75-1厘，但香港銀行堅決不減．

銀行解釋，在經濟不好的時候，減息是毫無幫助．當經濟好一點的時候，才考慮減息．

散仔即時諗，如果咁都講得通，咁宜家全世界其他央行減息，佢地咪係好傻仔．

如果話這是爛gag，都還可以．

如果話這是理由，這是挑戰了傳統智慧，甚具玩味．

散仔講過，凡面可以有兩面睇．向正面睇，香港唔減息，其實都有兩個好處．

一，就是香港銀行的投資價值應可提高．因為香港銀行調控息口的能力較高，投資價值應該高一線．

二，存貸有這樣大的息差，多貨款可會為銀行帶來巨利，當經濟穩定一點，銀行會急於放水．

坦白講，銀行今次唔減息，散仔其實可以理解，只是對其解釋覺得好好笑．

無論如何，存貸有五厘息差，財富轉移流向是非常明顯．

除銀行業外，香港各行各業及一般百姓，都要繼續繳交銀行稅，繼續為它們的投資失利負責．