如果有二百萬，手上沒有物業，你會買一層二百萬的樓，或著是兩層一百萬的樓？
散仔會選擇後者．散仔當時心諗：
一層二百萬的樓，租金收$11000，萬一租客唔交租，要散仔俾晒，咁咪好傷？
兩層一百萬的樓，租金每間收$5500，其中一個租各唔交租，都係蝕$5500啫！
咁唔好彩，萬一層樓出事(Touch Wood)，樓價貶值一半：
二百萬減值一半，唔見一百萬，得番一百萬．
一百萬減值一半，唔見五十萬，仲有百五萬．
散仔就係計這些婆仔數．在投資物業初期，散仔認為風險管理比升值潛力更重要，所以散仔在假設問題中，強調“手上沒有物業”．
散仔唔係話二百萬樓升值能力高過一百萬樓，只是強調風險管理的重要性．
當然，後來樓價二百萬以下的樓宇減釐印，這是意料之外，亦令細價樓的升值幅度更高．
但散仔要提醒一點，當越來越多投資者參與細價樓市場，細價樓的溢價將會被拉高，風險將會提升．
人多擠迫的地方要小心啦．
買樓前還有一件事需要想清楚．就是是否以公司名義買樓．
雖然散仔是以個人名義持有物業，但如果你有建立物業王國的打算，以公司名義買樓將更化算．
以公司名義置業的好處，主要是在稅務方面，稍後再講．而缺點是要每年搵會計師作財務報表，增加使費．
但如果你的目標，只是想持有一兩個物業，個人名義會較好．
講完策略及準備，下節就到實戰搵屋苑，應該會好玩一點．
花絮
當財政司宣佈減釐印後．．．．．．
散仔朋友就問：“散仔，你剛剛買完樓就減釐印，咁咪好蝕？”
散仔就氣定神閒回答：“減釐印，樓價升多1%，咩都翻來啦！”
做投資，嚴控開支好重要．但凡事都有兩面，有時又不用太斤斤計較．
5 則留言:
"以公司名義置業的好處，主要是在稅務方面，稍後再講．而缺點是要每年搵會計師作財務報表，增加使費"
I was having the impression that:
- 公司名義 has to be taxed on capital gain (as profit tax) when you sell the flat.
- However, held by individual might be able to skip that part if one has beening holding the flat for reasonable long period.
Please comment, as I want to 入货收租......
After what had happened to those big companies, I feel a lot saver to hold real asset (like property) than stock now.
回覆gogogold,
香港是沒有資產增值稅,所以無論了個人名義或公司名義都是一樣.
稅局會睇Intention of purchase.散仔會在買樓收租系列里會講詳細一些
散兄,
小弟唔係好明: 你話假如樓價下跌一半,二百萬樓變到只得一百萬, 一百萬樓變到我五十萬 (但你比喻中話買左兩個一百萬的單位) 咁每個一百萬單位唔見左五十萬,咪又係得番一百萬...有分別咩???
除非你想話一個單位一齊唔見一半市值的機會率係比單一單位唔見一半的機會率低好多 je. 但當樓市真係咁樣跌時, 有分別咩??.
又除非你話二百萬樓跌一半的機會俾一百萬樓跌一半的機會高好多, e.g. 二百萬樓跌一半時, 一百萬樓最多唔見25%, 咁你條數都仲可以接受.
小弟對樓唔係好識, 但對條數唔係好明.
散兄,
[sorry, 更正]
小弟唔係好明: 你話假如樓價下跌一半,二百萬樓變到只得一百萬, 一百萬樓變到得番五十萬 (但你比喻中話買左兩個一百萬的單位) 咁每個一百萬單位唔見左五十萬,咪又係得番一百萬...有分別咩???
除非你想話兩個單位一齊唔見一半市值的機會率係比一個單位唔見一半的機會率低好多 je. 但當樓市真係咁樣跌時, 有分別咩??.
又除非你話二百萬樓跌一半的機會俾一百萬樓跌一半的機會高好多, e.g. 二百萬樓跌一半時, 一百萬樓最多唔見25%, 咁你條數都仲可以接受.
小弟對樓唔係好識, 但對條數唔係好明.
如有理解錯誤, 可否指點一下?多謝
回覆匿名,
散仔話層樓"出事",其實是指萬一咁無好彩變咗凶宅(Touch Wood).
一連兩層樓都變咗凶宅(Touch Wood),機會應該比較細(Touch Wood).
樓價升升跌跌好正常,唔算是"出事".
發佈留言