冧市

前兩日去代理行打躉，傾開市況，知悉淡靜得可怕．該代理負責的屋苑有四至五千個單位．過往，就算是淡市，每個月最少都可以做到三十幾張單．

八月到宜家（7/8），成個屋苑都只是得三宗成交．一段有趣的對答可反映現市況：

散仔：近排個市好"立"喎？
代理：喺啊！個市冧架啦．
代理阿頭：（帶點斥責的語氣）個客話個市好"立 "啊呀！唔係冧．
代理：喺個市唔係冧．

做經紀的都開始心灰意冷．而且，佢地對前景都睇得相當悲觀．

問放盤，代理會話俾你聽，佢地宜家有勁多盤．風水真係會輪流轉．

經紀睇成交，所以目前對他們來說，市場氣氛極為惡劣．太古城的經紀更形容目前情況仲差過沙士．

十個淡市九個跌，樓價相信會持續偏軟．

但．．．．．．散仔又唔係睇得咁淡．下次再講．