市底強

睇開散仔筆記的朋友都知，散仔預測今年樓市在第二至第三季出現買入時機，在第四季會回穩甚至上升．

今日，散仔就補充多一點自己的睇法．

在一片淡風中，連在銀行做按揭的朋友都叫散仔忍一忍手的時候，點解散仔咁有信心呢？

主要原因，是因為散仔覺得市底強．

何謂市底強？

如果大家有留意市面情況，大家可以見到商場到處是人流，排隊食嘢的人龍周圍都是，暑假檔期的票房相當理想．（例了一些數字作參考）

暑期五大本地票房 （票房截至28/7）
1 《蝙蝠俠 — 黑夜之神》（ The Dark Knight ）3,544 萬（11日）
2 《功夫熊貓》（Kung Fu Panda）3,049 萬（30日）
3 《街頭超人》（Hancock）2,344 萬（25日）
4 《赤壁》2,251 萬（18日）
5 《殺神特工》（Wanted）2,228 萬（31日）

這些都反映了一個現實，就是香港內部經濟一點都不差，消費能力唔錯（高消費品就唔知啦！）．從另一方面睇，民間已積聚了相當的購買力．

再睇番香港樓市．第二，第三季的成交是持續萎縮．但踏入第三季，睇樓量其實持續增長．

散仔每週都去睇樓．多唔多人睇樓？睇樓人士的心理狀態如何？散仔心裏好清楚．（散仔成日都勸讀者勤力一點，睇多些樓，了解市況）

目前買家出價確實非常狠，個別買家確實受不了淡風的煎熬．

但散仔相信，以目前的經濟狀況，市民的承擔能力，及對市場心理狀態的掌握，目前樓市的走勢將會出現改變，樓價極有可能在奧運後第四季出現反彈．

散仔喜歡從生活中了解市場狀態，今次又睇吓準唔準？

最後，當然要重覆嗰句，賺咗錢，唔使多謝散仔，輸咗錢，唔好搵散仔．自已做事，自已負責．