散仔本來無打算在今個周未出Post，但前天刊登了"市底強"一文後，引起了部份網友的熱烈討論．今日，散仔再展述多一點自己的睇法及回應網友的論點．
散仔話市底強，是計及了明年的薪酬加幅這項因素．散仔預期明年的人工加幅平均會有5%，雖然追不上通賬，但已經可以令承擔比率進一步下降．
至於有網友提出，在高通賬環境下，會削弱了購買力．
這一觀點，散仔是認同的．
但高通賬環境對樓市的影響，其實散仔是未有定案的．散仔認為不同的通賬環境，在不同的時間，對樓市可以有不同的影響．最少，高通賬與非常高通賬已經可以好唔同．
好似無講，好似好玄，但現實確是如此．
市場上一直都是充積著利好及利淡因素．有人睇好，有人睇淡．投資者的工作，就是衡量各種因素，加加減減，從而推測後市的發展．
經過多方面的考慮後，散仔認為樓市在第四季會回穩，甚至回升．
至於收租的風險，散仔會另文再詳談．
只要散仔認為網友能深思有關問題，大膽提出自己的睇法，任何觀點，任何意見，其實散仔都是無任歡迎．散仔就好喜歡今次sp與GP-02的討論．
補充一點：散仔是贊成多些專才來港．人，物，資金及資訊自由流動對香港都是非常重要．
9 則留言:
本人只係近兩個月才留意散兄文章,覺得散兄見解十分獨到, 亦相信散兄所言第四季回升.
但問題係第三季會跌到什麼價位, 第四季就算回升, 亦只係小陽春, 到明年加息潮一起, 樓價又如何??
現時睇各地產公司記錄, 樓市成交少, 租盤成交多, 可以反映出承接力減少.
本人亦澄清非淡友, 只係想大家討論一番, 以便決定投資方向.
對於明年加薪5%一點有保留,小弟本身係跨國金融集團工作,年薪>0.5M,不計花紅.上年加薪5%,今年只希望公司唔好裁員...
補充一點：散仔是贊成多些專才來港．人，物，資金及資訊自由流動對香港都是非常重要．
但是現在香港的政客和商家佬 -- 大部份都非常短視, 難保河套區同數碼港一樣淪為地產項目塘水滾塘魚...
如果真心輸入香港沒有的高科技專材,令香港可以有更多人投入和發展高科技行業去增加就業率, 我一定支持.
但問題現在香港大部份的黑心老細, 最想輸入的 "專材" 是一些如普通文員,清潔,司機等去賺到盡...這些草根被動搖, 中層和上層也不見得能獨善其身...一行人生活有問題減少消費, 另一行的收入也要減少...如此火燒連環船,人人互相踐踏爭奪別人的工作...
我是在一間環球機構工作. 我是年年加薪的, 但有些分支部門確實在今年7,8月用"強迫接受"肥雞餐辭退員工...所以對明年加薪5%有所保留...
香港的大部份老細(不是全部), 難聴點說是狗口長不出象牙, 就算去到大陸,越南,菲律賓,印尼開既所謂廠, 全部都係做埋D低技術,低增值產品, 剩係諗住點樣用當地廉價勞工,剥削人力資源去賺錢. 人地大陸工業起飛啦. 香港? 你看大學讀工科出身的人出路有多窄就知. 乜有人會認為港大的電子電機,機械工程出身的人是無料到的嗎? 但香港日日"剩係"在搞地產,金融食老本...你看人家新加坡比你香港還要細, 人家有工業,有鍊油...香港現在可以敢講一句死剩個金融乍...如果大陸全面自由開放上海同深圳的金融業...
目前樓市確實存有利好利淡的成份.
講真, 07年股樓齊升, 經濟氣氛良好, 老闆賺大錢, 不過一般打工仔加薪3-6%(除了部分金融地產業加薪較高超過10%-20%). 08年股樓調整, 外圍氣氛轉差, 大家估計下08年尾加薪時老闆會否轉為保守? 金融地產業如果加薪比07低, 會否拖低整體平均加薪率?
不過, 從03年-08年期間計算, 平均薪酬增長仍高於通漲率. 整體市民收入上升, 過去5年肯定積累了不少購買力, 但是過去1-2樓市升市時釋放了多少購買力?? 未來的日子怎樣, 購買力的釋放會否持續??
周邊的朋友不時討論樓市的走勢, 我發覺所謂的淡友並非不想買樓, 而只想用更便宜的價錢買入(正常想法). 有的甚至一邊不斷看樓, 一邊話樓貴, 話不值, 話應該跌3成才合理. 如果目前樓市仍然膠著多月但跌不下, 甚至稍後時間價量輕微回升, 大家仍為這班所謂的淡友會點做?
如其座低紙上談兵, 不如多些到不同的地區看樓, 到各大地產代理門市了解實在情況, 包括業主叫價的變化, 其他看樓人的心態, 代理的反映, 會對後市有更清楚的看法.
回覆陳小姐,
明日另文回覆.
回覆金融從業員,
謝謝你的資料提供.
散仔會把有關資料加入將來的分析.
回覆gp-02a,
謝謝你的資料提供.散仔對這些資料一併考慮,加入將來的分析.
至於認為香港商人短視的問題,散仔都無咩好講.因為寫咗Blog咁耐,都只是講投資,無講實業.
當然,如果將來散仔有實力的話,希望可以做一些不同的事.
回應陳仔,
想法好正面.
無論睇好睇淡,都要努力裝備自己.
發佈留言