地產工作坊

上個周六，散仔參加了由經濟日報與利嘉閣所舉辦的港島西南地產工作坊．


睇開散仔筆記的朋友，都知道散仔特別留意港島西的發展．今次參加有關工作坊，就睇吓會唔會啟發到新的思維，新的觀點．


整個工作坊的安排都幾唔錯．散仔最欣賞的，是由海富中心到碧瑤灣一段的車上導遊，沿著薄扶林道，介紹兩旁的屋苑，參與者可以大慨了解港島西至西南區的屋苑情況．（散仔特別喜歡講寶翠園一段）．


今次行程，散仔對貝沙灣留下好深刻的印象．透過今次親身落區，散仔了解到貝沙灣能成為豪宅地段，有其先天性及後天性的因素，並且相信，其優勢會持續一段相當長的時間．亦都相信，由灣仔區開始，到港島西至西南區，將會繼續是高承擔能力社群的聚居地．


其實，安排落區並不是一件容易的事．今次散仔所參觀的屋苑，都不是新盤，主辦單位需要與現有業主商討，才可以入屋睇樓．試想一下，如果你是業主，你願不願意讓參觀團睇樓呢？


今次工作坊，又安排午餐（味道幾唔錯），又送則王2006，真正又食又拎，做置業家居的讀者又幾唔錯．