藍籌屋苑 - 沙田第一城

好多人都會話，買樓投資，最好買藍籌屋苑，因為其升值潛力及保值能力都好一點．

究竟係唔係呢？

散仔做咗過簡單的分析．

在樓市，那幾個屋苑是藍籌屋苑其實沒有一定的共識，但香港的太古城，九龍區的黃埔花園及沙田區的第一城應該都是必然的選擇．

今次，散仔就搵沙田第一城做過研究．

沙田第一城的屋苑規模達到10643個單位，流通率又高，屋苑的呎價是很有代表性，稱為藍籌屋苑也非常合理．

首先，散仔就以同區屋苑做比較，比較目標為沙田中心．

唔講唔知，係十幾年前，沙田第一城的呎價是高於沙田中心的．我地睇一下以的圖表．



在95年，第一城的呎價比沙中高大約8%左右，但之後的差幅明顯收窄，在02年更首次低於沙中，及後沙中的呎價一直高於第一城．雖然馬鞍山鐵路的第一城站在04年12月投入服務，刺激了第一城05年的呎價，但之後與沙田的呎價差距進一步拉闊．至今，沙中反而比第一城高4%．

散仔再搵另一區的二線屋苑做多個比較．目標是九龍灣三寶之一，得寶花園．

得寶花園提供2016個單位，以知名道來說，話得寶花園是二線屋苑，其實可能己經有點過譽．

我地又睇下兩個屋苑的價格差走勢．





因中原只有04年8月之後的得寶花園數據，散仔唯有由這時期開始比較．

從上圖中，我地可以明顯見到在這四年中，第一城與得寶的價差由04年的50%拉近至目前的25%，而且有關趨勢是有持續收窄的傾向．

咁結論係點呢？

首先，散仔唔係反對沙田第一城的投資價值，反而高成交量及高流通率對投資者來說是頗為重要的考慮因素．

但以價格比，藍籌屋苑是否會比其他屋苑有更的升值潛力或抗跌力，從第一城的例子，散仔就見唔到．

所以，投資時不要人云亦云，為自己設下盲點，限制了自己的視野．

散仔唔排除會投資沙田第一城，但最大的目的是分散投資，而策略下次再講．