只是一名御宅族

自從電車男在香港播出後，散仔就在家人中就多咗個名，叫御宅族，後來又興起另一個名，叫隱蔽青年．

其實，散仔心底裏都幾喜歡這些名稱．

散仔每周必定追看火影，獵人，結界師，幸運四葉草，海賊王（最近少睇咗）及光速蒙面俠．成日都俾屋企人話幾十歳人仲追啲漫畫．

你可以想像，散仔是一個不善於交際的人．所以，散仔是少說話，多思考的人．但對於不合理的事及謬論，又會憤憤不平．

自從06年底，見樓價平，便開始研究樓市．之後，睇樓又變成散仔的另一項興趣．就算目前己經入夠貨，散仔每逢周未都會一個人為睇樓而睇樓．這又令到屋企人覺得散仔更加奇怪．

如果每個人在世上都希望找到自己的空間，那投資世界就是散仔所屬的空間．

散仔之前寫過，寫Blog的目的是自我確認同自我發洩，．所以：

如果你因為散仔的預測或建議而贏咗錢，你唔使多謝散仔，因為這是你自己的決定．但散仔建議你可以做些善事．

散仔比較喜歡助養兒童，因為散仔覺得提供教育予兒童，長遠能解決貧窮問題．當然，散仔目前都有做，而且會隨著現金流的增長，增加助養兒童的數目．

如果你因為散仔的預測或建議而輸咗錢，你唔好搵散仔，因為這都是你自己的決定，散仔是不會內疚的．當然，如果散仔的預測或分析出錯，會深切反省同探討原因．

如果你要引要散仔所創的理論，麻煩你提一下散仔個名．咁散仔就覺得寫Blog的意義又多一點．

有一點，大家可以放心，散仔在分析方面會盡量持平，不會唱好不唱淡，亦不會因持貨而影響分析取態（都係盡量）．在網誌內，散仔會鼓勵人多些獨立思考．

散仔眼見越來越多人來訪本網誌，人流不斷上升，為免他人誤入岐途，都係及早寫定這些免責聲明好．

最後，大家一定要知，就是散仔雖然自稱為投資者，又話自己流著憤青的熱血，其實心底裏，散仔只是想做一名御宅族！