挑

有個樓市問題，散仔都俾人問過，究竟買將軍澳好ｄ定係沙田好ｄ？

其他博客話沙田好，散仔你就話沙田唔係咁好，咁即係點？

散仔心諗，問這些問題的人有無攪錯！睇完人地寫ｄ嘢，自己可唔可以分析下，可以可以挑戰人地ｄ睇法？

好似散仔話九龍站，灣仔同港島西升值潛力好ｄ，你地會唔會諗吓散仔其實是不是己經在這些區揸重貨，所以不停吹噓這些區分？

散仔又話觀察到將軍澳區出現社群變化，有無証據先，有無客觀數據支持先？

有博客話，沙田交通網絡完善咗，會有利沙田區樓價．咁你會唔會問，西鐵都用咗咁耐，點解新界西仍然是大落後？

又有博客話，河套區發展有利沙田區樓價．河套係邊你知唔知？交通配套係點？如果將來該區的人流是承擔能力較高的社群，點解唔揀加洲花園同錦繡，反而要走到半個香港咁遠的沙田？

散仔咁講，唔代表散仔反對這些博客的論點，亦唔係話沙田唔好．但散仔會一邊睇佢地寫ｄ野，一邊挑戰佢地的想法同分析．

睇其他人寫野，要有獨立思考，要帶有挑戰性的眼光去分析，當然你都需要有包容的心去接納新的知識同睇法．

買樓，代表資產增加的同時，也代表債務增加，少少地都一百幾十萬．睇咗ｄ唔使錢的分析就跟著做決定（唔代表俾錢的分析好ｄ），會兒戲ｄ掛！

周圍問人買沙田好或買將軍澳好的朋友，自己諗清楚先啦！

記住，無論將來是賺錢或者是輸錢，又或者是賺多咗或者是賺少咗，都是自己的決定．