峰生水起

今日係星期六，唔講投資，做一下輕鬆的香港人．

前一年開始，屋企裝咗有線，新聞台，財經台，每日樓市，樓盤傳真都係經常睇的節目．但最令散仔鍾情的，是蘇民峰主持的峰生水起系列．

蘇民峰時而風趣幽默，時而尖酸刻薄，又帶有幾分輕佻，令節目生色不少．（當然，吳文忻都非常搶眼．）

但最令散仔欣賞的，是蘇民峰的求真精神．

玄學是一種比較難以考証的學術，而中國歷史源遠流長，每種學術又可以分不同的學派，要集各家之大成，難度真是十分之高．

而蘇民峰最過人之處，不在於其對玄學推測的準確性（散仔都唔知點証實），而是他會在實戰經驗中，對現有理論加以確認或推翻，繼以重新立論．遇到未知的事，會大膽承認，而且更有勇氣將今日的我打倒昨日的我．這是極為可貴的求真精神．

盡信書不如無書，這也是散仔求學之道．

期待蘇民峰新一輯的節目，等散仔可以每星期都有一個小時笑一餐，輕鬆一下．