股市走在樓市前6至9個月的迷思？ 答案：一個人兩隻狗

近來一個被熱烈討論的話題，就係樓價會否跟隨股價下跌？

傳統智慧（或坊間流傳），股市走在樓市前6至9個月，所以股價下跌之後，接著樓價就會下跌．

另一方面，施永青在C觀點中提到，影響樓市的主要是本地因素，而股市則受國際因素影響，所以次按危機只會拖低香港樓價的升幅，而不足以扭轉樓價的升勢。
http://www.centanet.com/icms/template?series=230&article=8466

而博客股苦海就做埋分析，話股市樓市的供求與基本因素南轅北轍，應該相互之間沒有關係。
http://hk.myblog.yahoo.com/tokuhon_blog/article?mid=1796

究竟邊個啱？

散仔這周未陪家人到西貢放狗，突然間俾散仔想（睇）通咗．其實以上三個論點都係錯，因為根本就未攪清楚因果關係，而答案就係：一個人兩隻狗．

其實，Andre Kostolany在＜一個投機者的告白＞曾提到：

“男子就是經濟，狗則是股票市場。長遠來看，經濟和股票市場所的發展方向相同，但在過程中，卻有可能選擇完全相反的方向。”

而散仔就係這關係上，加多一隻狗，而這隻狗就係樓市．

長遠來看，經濟，股市及樓市的發展方向是相同的，但在過程中，卻有可能選擇完全相反的方向，狗與狗之間的方向亦可以完全相反．

經濟是因，股市及樓市是果．所以，股市及樓市是跟著經濟走．而想在股市與樓市之間找出一個恒常關係，其實是浪費時間．試過帶兩隻狗出街的人都知，兩隻狗的距離永遠唔會一樣，但長遠來看，都是向同一個方向走．

投資者需要注意的是，目前的股市或樓市，是否已經反映了目前或將來的經濟狀況？是落後了？或者是超前了？

投資者可以視另一狗為參考，但唔應該在此之間找出恒常關係．

散仔今次真係有D覺得自己係天才，哈哈！大家可以引述有關理論，但係要提一下出處是散仔．哈哈哈！