追落後

散仔每逢周未都會到唔同區分睇盤．通常到咗Ｄ新界地區，Ｄ經紀都會話俾你聽，目前樓價與97仲差幾多，潛在升幅又有幾多，同市區比又落後咗幾多．

聽落好似好有道理，但散仔換另一個講法，睇吓大家又覺得點：

2000年時，中移動有75元，電盈有110元 ($22x5)，宜家中移動有120元，咁你話電盈係唔係值180元呢？


大家聽到另一個講法，就會知道這種推銷方法不太合邏輯，因為電盈宜家只係$4.75．


水退時才知道誰沒有穿褲子，這句說話在樓市同樣適用，當然程度有異。97價含有不少水份，在抽乾後，才知道實質支持值在那裏。


用追落後的概念唔係唔得，但散仔通常會以同區屋苑做比較，因為同區的交通及人流變化比較一致，可比較性較強．


散仔就以九龍灣三寶為例，德褔花園是該區的龍頭盤，淘大為次，得寶最未．過去10年，淘大花園平均樓價為德福的90%（即打九折），得寶花園為德福的70%（即打七折）．


在07年頭，淘大花園呎價只是德褔80% ．在08年頭，有關差距已經回到平均水平，亦即時說，在07年頭購入淘大花園的，已額外享有10%的樓價升幅．這就可以解釋點解淘大為去年5大升幅屋苑之一．


不過，買樓最緊要講大勢，唔好因為追落後而買樓（即係唔好貪少便宜）．另外，樓價差距並唔係恒常的，會受商場Upgrade，人流Upgrade，或政府政策（包括交通，稅務等）等所影響．

而且散仔都唔會將有關比較套入太古城與嘉湖作分析．因為區域位置相差太遠，而且兩區在10年間，人流產生很大的性質變化，所以難以單一比較．

講咗咁多，都係講嗰句，要有獨立思考，小心求証啦！