等揭牌，等派牌

散仔翻查了最新的銀行估價，得到的感覺可以用觸目驚心來形容．

其實散仔對銀行的估價跟得算幾貼，上次查看都是在一個月前左右，那時，大部份樓宇的價格已經從高位下調了10-15%．

今次散仔再次查看，在不到一個月的時間，部份的樓價又比上次查看時，再下調了5-10%．

散仔更發現部份樓宇的估價都幾嚴重偏低，市場最新成交都未落到這些價位，銀行就先行將估價拉低．

較低的估值可能是反映對後市信心不足有關，或反映整體的樓價正出現明顯的下跌．

睇開散仔筆記的朋友都知道在去年年底，散仔己經對今年樓市有季度的預測．

其實，散仔對每個預測的基本假設及理念都可能不同．

就以散仔話農曆年後樓市出現反高潮為例．散仔所持的論點是市場出現亢奮，短暫性出現供求不平衡，價格出現扭曲．

散仔可以以等揭牌來形容當時的預測，因為只是等待現實的反映．

而對於第四季樓市將會回穩甚至回升的預測，散仔的想法是，牌面有什麼牌就好清楚，枱面爛牌就有好多，但跟著呢？

對於第四季的預測，散仔可以以等派牌來形容，因為是等待一些不知會否出現的事．當然，散仔估計會有好牌出現的機會較高．

這兩個預測有根本性的差異，讀者不可不察．

雖然，目前樓市的氣氛很差，今日又有報導話市況差過沙士．但散仔仍未覺得需要修正有關預測，而且以散仔對市場的觀察，又隱約見到一些利好情況．