供平過租？供樓唔使俾錢？
當時散仔心諗，有無咁筍啊！於是，又動筆計一計條數：
散仔以一個市區單位140萬計算．當時140萬，在市區有很多選擇，雖然唔係新樓，但環境都好好．這樣的單位，租金收入為6500元．租金回報為5.6厘．
以140萬樓價計算，七成按揭，貸款98萬，以按揭利率4.75厘計算，每月還款6330元，供平過租少少，但要俾管理費及差响．
如散仔選用了Mortgage One或Mortgage Link計劃，利息收入就足以支付有關費用． 在這樣情況下，絶對唔影響散仔的現金流入．
但是，如果因為供平過租而買樓，會唔會因為貪小便宜而買咗貴樓呢？會唔會因小失大呢？
唔想買貴樓？又可以點．咩先叫做平？咩先叫做貴？
散仔認為平與貴根本無客觀標準．咁，散仔唯有用Common Sense去確定當時的樓價是平定貴．
每月還款6330元，大部份剛畢業的大學生有1萬元薪金，兩口子計有2萬，負擔比率32%，供樓夠有突啦！
首期42萬，兩口子，辛苦一點，儲兩三年就有．舒服一點，儲四五年都有！
一對普通的大學畢業生，畢業後兩三年，在24歲左右，就能夠買樓置業，仲要是在市區．在世界各大城市中，有邊個地方能夠做得到？
就是這些睇法，散仔認為當時樓價實在偏低．買樓供樓，對一般人來說，真的是亳無壓力．
另一方面，散仔每月的現金流入均超過供款支出及其他雜費，供樓的壓力有限．
散仔經過3年的學習，對資產的運用有更多的了解，並不否定按揭有其好處．
所以，就算當時散仔的資產足夠支付一層物業有餘，散仔仍選擇按揭為投資物業的工具．
在購入物業後，負債金額佔散仔總資產一個相對較少的部份．在財政實力上，應該沒有問題．
就這樣，散仔決意開始買樓收租的生涯．
計好條數後，咁下一個問題是，應該買邊度呢？
（待續）
7 則留言:
散仔兄，閣下認為現在是買樓的時候嗎?
外賣仔,
散仔想了解一下,點解外賣仔會在這個時候問這個問題? 有什麼客觀或主觀因素令你開始思考有關問題?
how long did "供平過租" last for the occasion in 2006?
The main factors to support your 1st action were:
1. 供平過租, &
2. Affordability ("一對普通的大學畢業生，畢業後兩三年，在24歲左右，就能夠買樓置業，仲要是在市區．在世界各大城市中，有邊個地方能夠做得到")？
By that time, did you also expect the rent would go up?
回覆gogogold,
供平過租可以維持幾耐無人知,但這現象反映了以下的可能:
1.利率偏低,或
2.樓價偏低,或
3.一般人喜歡租樓多過買樓,或
4.一般人不看好後市,或
5.etc
至於是那種,就要自己分析.
散仔買第一層樓的時候有無預期租金會升?
散仔當時只是認為經濟會向好,樓價也會向好,但沒有預計到租金會在一年間突然飊升20-30%.這算是買樓的一個Bonus.
Chapter 03會講多一點.
小弟在 8月14日報紙看到 一項市場調查顯示，港人對樓市前景普遍感樂觀，38%的受訪者于過去24個月，曾買入最少一個物業。同時近70%的受訪者表示，有意在未來12個月內置業。炒賣風氣未見熱熾，有68%的受訪者表示，置業打算作自住，只有近30%的受訪者有意作投資用途。調查結果反映目前樓市雖然淡靜，但市民仍然熱衷於房地產市場，認為置業可作長遠投資計劃。
所以敢問問散仔兄意見，不過個人認為雖然外圍經濟影響，投資意慾大降，但普遍香港人收入未有大減，失業率未見大升，問題只是樓市何時見底罷... 不知兄台意下如何 ?
回應外賣仔,
散仔覺得,對這些調查或消息,通常睇下就算,無需放在心中.
因為,散仔唔知是邊個做,點樣做,有無動機,有無既定立場?所以對散仔的參考性有限.
散仔之前預測過樓市在第四季會回穩甚至回升,對或錯暫時未知.
至於樓價見底未?散仔唔講得準.但散仔認為目前樓價適中,或略低.
發佈留言