搭的士

散仔不需要成日搭的士．通常搭的士的原因，都是在公司工作得太晚，無車返屋企．

所以，每次搭的士，都比較長途．

有人話，的士司機的生意，是香港經濟的探熱針．所以，散仔有個習慣，就是每次搭的士，都會同ｄ的士司機閒聊，例如問吓佢地走開邊區呀？近排生意好唔好呀？對經濟前景點睇呀？之類．

不過每次問經濟前景點睇？絶大部份都唔睇好．等一陣大家就知點解．

前幾日，散仔又有機會搭的士．散仔當然會把握機會，向他們了解一下市況．以下是散仔與的士司機對話的節錄：

散仔：師傅，近排股市不停咁跌，樓市又跌，又奧運，你地ｄ生意有冇差咗？
司機：近排生意反而好咗，ｄ學生放暑假，成日夜晚出嚟玩，生意反而多咗．
散仔：而家ｄ後生仔咁有錢架？
司機：超！唔係自己搵，有咩所謂．
散仔：咁暑假後咪又差翻囉？
司機：咁又未必．個市都唔係好淡．多就無，但個市覺得好翻少少．
散仔：咁咪幾好囉．
司機：同九七差太遠．宜家ｄ人走番哂到大陸消費．香港無晒夜生活，差咗好遠．有夜生活可以養好多人！娛樂場所啦，食市啦，的士啦！宜家唔係無，少咗好多啫！
散仔：咁都無辦法．
司機：咪係．

我地從另一個角度來看市況．目前市況不算旺，亦不算淡，零售消費市場仍場平穩，可算是穩中有升，而股市及樓市下跌暫未影響到消費市道．

散仔唔係成日搭的士．下次搭的士時，你都可以問吓市況．