零售市道

散仔這幾日出旺角的銀行中心，開始籌備下半年的旅行計劃．

到達時間為下午7:30左右，眼見人頭湧湧，部份旅行社門口擠滿了人群．

散仔心諗，ｄ人都有幾多閒錢喎！

之後到了女人街找地方吃晚餐，發現多了很多食市，但人氣一般，不算冷清，但也不用排隊．

用膳完畢，就走到西洋菜街逛逛，仍然是人頭處處．

散仔感覺本地的零售市道尚算不錯，但．．．．．．．如果話零售市道好好，應該就未算．

散仔有個習慣，就是每年夏季尾都會到某英國出名牌子的店舖購買裇衫，一來是喜歡有關款式，二來在季尾會有折頭．

散仔發覺，相對於去年同期，今年買衫的折扣較多．

去年市道旺，買裇衫有八折都算幾好，最盡都是七折．有折扣的，大部份到這時間已經無貨．

今年買衫，七折都幾普遍，有部份做到六五折，款式唔算齊，但都比去年多．而且買二件有八五折，買三件有八折．折扣多了很多．（當然，多咗折扣，散仔都買多咗一兩件！哈！）

細問之下，今年年頭至今，來自內地遊客的生意額少了很多，可能是受到內地雪災，地震，奧運及股票市場下跌等因素所影響．

目前生意，本地人佔的比重較大，市況尚好，但始終少了一批客源．

從這個星期對零售層面的觀察，香港經濟內熱外冷的情況仍然持續，對股市及樓市的發展（尤其是樓市），有一定的啟示．