最近市場傳出，水藍天岸賣得幾好，中原指數又輕微回升，市況有回穩的跡象．究竟係唔係呢？
以散仔的觀察，市況與回穩還是有一些距離．
何以見得呢？
有個屋苑，之前半個月已經無開單．散仔承價時，已經是該屋苑的呎價新低．睇落係唔係好唔錯？
但之後其他買家見到個屋苑見最新成交之後，就見著散仔個價來砌．樓下低幾層要平過散仔不在話下，樓上高十幾層的亦要與散仔同價．
該屋苑之後Keep住每個星期有三四單成交，都算幾旺場，但呎價就繼續住下調，攪到散仔新賣回來的盤即時要自行下調百分之六入脹．（銀行估價仍未調整，但散仔會以保守原則，以市場低價入脹．）
散仔今次就做咗開路先鋒，有點行先死先的感覺．
而其他屋苑，從其他經紀得悉，部份筍盤仍未獲得洽售．
散仔睇到目前心急出貨的業主，真的有俾人睇住來砌的感覺，議價能力好低．
在這情況下，市場仍然繼續出現低價成交或超筍價成交的個案，持續影響市場氣氛及樓價．
市況要回穩？要再等一下先．
2 則留言:
想請教一下散兄:
1)如果同銀行做部份還款(按揭), 維持供款年期不變減每月供款額 定 減供款年期最實際?
2)其實如果好似散兄咁同一時間持有咁多物業,係咪要人工好高銀行先肯批咁多間樓的按揭給你? 又會否按揭成數低d?
多謝賜教
回覆gp-02，
這要視乎你的目標．
如果你的目標是減利息支出，減供款年期較好．
但如果你想保持購買力，減每月供款額較好．
另外，通常供款年期可減不可加，即是說返唔到轉頭．
這要睇下自己需要啦．詳情可問按揭顧問．
散仔人工唔算高，只可以滿足兩餐糊口．
但租金收入，可按某個百份比計入你的承擔能力．亦即是說，銀行認為你的總收入會增加．
至於按揭成數，銀行對一般人都是做七成，這與人工的關係不大．
發佈留言