散仔在這周未都好忙，所以都只是到附近的經紀行走來走去，了解一下市況．
同經紀傾開，目前睇樓的確實多了一些，但成交始終較少．
主要的原因，都是買賣膠著．賣家覺得樓價平，唔肯賣．買家覺得樓價仲有得跌，唔肯買．
之前話投資者殺價厲害，現在連用家開個口價都嚇親人．
經紀向散仔舉個例子．個盤做緊180萬，175萬可以話是筍價．以三大銀行的估價標準，最低估價為185萬．業主開幾多反而是其次，但大部份用家都會開160萬．經紀話，雙方祈望相差太遠，好難做．
“用家開個炒家價”來形容市況，應該是最貼切．
P.S 謝謝CCS和陳小姐的提問．
13 則留言:
要預埋下半年跌嗰啲價嘛, 係咁架啦. 你之前嘅post都話要用最底嘅估價再減10至20%還價嘛, 咪一樣 >.<"
散仔自己通常希望在估價下限成交. (前提係估價已下跌.)
再低10%要等.20%又低咗d.
安全一點是好.但太過份又買唔到.
最重要是自己要衡量一下價值.
用家開這個價幾正路, 唔係炒家價.
炒家應該會更低, 或者唔開價.
回覆陳小姐,
原來好多人目前開價都好有安全意識.幾好!
不過,散仔可能講漏咗少少.該單位以三大銀行的估價標準,最低估價為185萬.
目前以175萬價位買到,其實已經算筍.
不過現在的買家可能要的是超筍.
散兄, 本人潛慣水, 不過又忍唔住, 真係當你朋友先講 :
我說過本人不是淡友, 但我也不是好友, 是好友淡友無間道
其實淡友為左唱衰個市, 無所不用, 好多所為理由根本無根據或者數據支持.
但係其實好友的理由也不相伯仲, 大家都係半桶水….
例子 :
1) 租金跌, 樓價跌 係為左調整, 唔跌又邊有得升…吓! 咁升市果時係咪又要準備跌呢? 但係好友又話唔係…
2) 你睇個市幾旺, 幾多人睇樓 吓? 97,2000果時, 咩野樓主股市都係爆之前係最旺架wor… 有無野係冧市之前個市係好淡既呢?
3) 你睇層樓銀行估價估唔足 好友實話, 係個市升, 銀行實係跟唔切, 又或者銀行估錯價… 咁如果宜家層樓低過銀行估價呢? …唔…銀行係唔會估錯價既. 咁即係証明左係超荀…
好友成日話發展商都會估錯價, 咁我認為銀行都會架啦…
4) 供平過租, 唔駛驚 咁如果加息呢? 都係唔駛驚?? 咁點解呢? 租平過供又係唔駛驚, 咁既係咩都無所謂啦…
我係一個普通投資者, 絶對無能力預測樓市同股市, 如果唔係我咪發左達?
回覆GP-02A,
GP-02A好明顯心中有團火未熄．幾好！因為散仔都有．哈哈！
其實GP-02A講得唔錯．無論在股市或樓市，無論是唱好或唱淡，無厘頭的論點真的是多不勝數．
謊言講的多就會令大家信以為真．有時都會令到散仔火滾．
散仔認為，投資者所需要做的，是要有清晰的想法，過濾市場的雜音，從而得出明確的方法，最後化為行動．檢討得失後，又開始另一個循環．
散仔會不停挑戰其他人的想法．散仔都希望睇散仔筆記的人，都要帶有批判性的眼光．
謝謝GP-02A的支持．
謝謝散仔的回應.
我認為過份睇好或睇淡, 到時吃虧的都是自己
你不可能怕下跌就永遠唔買樓的.
但一定要自己做決定. 信自己.
因為結果係自己負責番就ok.
呢樣野真係想呻下:
香港地產商奉指賣發水樓, 因為你情我願就唔駛拉...咁祈福黨都係你情我願, 大家行家黎啫, 咁佢又拉? 兩個都係無價單用把口去誤導人...我真係唔明.
最近一城做了幾個成交，開始回復正常。經調查後，原來近日133萬的超荀價是一個最低層正向垃圾站的單位，便宜亦有道理。其餘單位造價有止跌回升的情況，但是否屬實還有待觀察，小弟的趁火打劫計劃，機會只是50/50
另外，我較喜歡410, 因為租客較容易把自己的傢俬 (e.g. 76寸床, 4呎衣櫃, 3呎地櫃...)搬入新居. 395的房間較窄，床可能要訂造
散仔~美元升~人仔跌~油價跌!
通漲看來應該會回軟返喎!
可能要重新計數過"買樓擴通漲"的需求量了!
回應gp-02a,
不論睇好睇淡,客觀的判斷是非常重要.
對於發展商的論點,就有點過了火位.
賣樓俾你,雖然不是很實用,但始終可以住.
賣千年杜蟲藥俾你,又真係杜唔到蟲.
笑一笑就算啦.
回應et仔,
謝謝你對410的觀點.
對於目前的樓市氣氛,散仔的睇法並未有變.買家想買的心是熱切的,只是等待超筍價.
都是嗰句,個別的高成交或低成交不用太在意.
至於奧運後第四季的樓市趨勢,散仔維持回穩甚至回升的看法.
平與貴要自己衡量.
回應sp,
散仔應該未講過買樓抗通脹,但事實上市場是有這樣的說法.
不同的通脹環境,在不同的情況,可以有不同的效果.
散仔認為不可一蓋而論.
樓價歸根結底,都是看經濟.
發佈留言