矛盾

寫得Blog，當然希望有人睇．但人多咗，又開始怕麻煩（可能是御宅基因所致）．真係好矛盾．

其實散仔盡量想在周未唔出Post．因為在周未，散仔要管理單位，加上要睇樓了解市況，有時又要做一些財務管理，有時要陪屋企人，又要睇漫畫，睇樓盤傳真，睇峰生水起，再加上兩本地產雜誌，真係好唔得閒．

但是又見到網友好熱烈討論，想想吓，都要回應一下，做下表示．

散仔都好滿意目前的人流數目，雖然散仔筆記可能仍然是一個小撮人的玩意．

相對量，散仔對質也有要求．見到一些網友有Sense，有立場，有知識，少煸動的，散仔都會留下言，邀請過來看一下．持相同或相反意見就不太重要，讓讀者聽多些聲音都是一件好事．

當然，問得問題，留得言，就要預咗散仔的回應有時有點串，始終這裏是散仔的地盤，就當專重一下散仔，忍咗佢．哈哈！