散仔話過今年第二季至第三季會出現購入時機．分析完唔行動，同無分析其實無分別．
經過大半年的等待，散仔08年第一擊的目標，是九龍東的某大型屋苑．
看中九龍東，其中一個原因是今年樓價下調幅度較大，而且租務暢旺．
望遠少少，九龍東繼續有商廈落成及入伙，從而帶動租務需求．
而且購入的屋苑，剛完成大堂翻新，對租務亦有正面幫助．
在整個過程，散仔亦感受到租金下調的壓力，表面回報由預計的6.3厘，下降至6.2厘．
當然，租務暢旺亦令散仔賺回不少時間值．
要順帶一提，恒生銀行對該單位的估價，在散仔買入後，已經下調了百分之二．
總括而言，08年第一擊入貨價不算筍，但租務回報可算是在預期之內．
唔好問散仔新購入的單位係邊，因為散仔唔會答．在九龍東做過功課的朋友，應該好容易就會知道．
9 則留言:
散仔真係好野~
身體力行
取 6% 租金回報~又怕d乜丫~
雖然我仍覺得市面上仍有不少人等待...尤其等開新盤後測市場反應才出手
近日看報紙~報導的成交當中...感覺上多數都係投資者買入.
租金下跌了!第一城最傷!
根據中原地產提供的數據顯示，10個主要屋苑，已有4個租金連跌3個月，以沙田第一城最傷，呎租由6月的17.9元，回落13.4%至本月初的15.5元。柴灣杏花鸷及荔枝角美孚新鸷3個月分別累積跌9.9及8.9%。
請問買入價幾錢, 我估果頭我都睇過但搵唔到超過6厘, 最多5.5厘左右
回覆sp,
散仔現在買樓面對的風險也不少，樓價正在下調，租金也下調．
目前計好條數，過二個月可能已經唔啱用．明年重定租金時，也可能會面對壓力．
與年初的租金高位比較，該單位的租務回報已經從6.5厘下調至6.2厘．散仔認為有機會再下調至6厘．
做好準備相當重要．
當然，散仔自己心裏已計好條數，對前景又有自己的睇法，所以可以繼續我走我路．
租金下調又不是現在才開始，有睇開散仔筆記都會知．可能是傳媒開始報導，近兩個星期的跌幅是大了一點，在九龍東及新界東都比較明顯．
至於租金走勢，散仔嘗試在今周講多一點．
回覆Terence,
價錢唔講得,一講就知是邊個屋苑.
再仔細點搵,睇多幾個唔同的屋苑,可能會有所發現.
散仔現時會搵一些中層單位,回報會高一點,出貨又比較容易.
租金收益夠穩陣,淘大德福都唔錯.....
5至6厘視符層數裝修。
祝你馬到功成！
供應少屋宛,升得會比較實在。
祝你成功! (拍掌!!)
回覆金融街一號,
謝謝有關資料.該單位已成功放租,表面回報為6.2厘.
回覆et仔,
謝謝.
租務回報及地點是散仔的重要考慮.
發佈留言