目前市況淡靜，相信無人會反對．
如果仲有，真的是死硬派．（唔係講結果，係講態度．又是一個爛gag）
出現這種情況，散仔會這樣理解．
在用家方面，未置業的人士，樂意地預期樓價會進一步下跌，而且，壞消息好像陸續有來，不會急於購入單位．
在投資者方面，據散仔所了解，三大按揭銀行之中，其中二間已經收緊對投資客的按揭審批．一是不審批，一是批個極差的息率給投資者，加按更是免問．
而以往一些比較進取的銀行，目前也有了對投資客的規定，就是限制了在該銀行的樓宇按揭數目，一般上限為3間．
各銀行加強對投資者的按揭限制，大大削弱了投資客的承接能力．
所以，散仔話目前樓市承接力減半，其實都相當保守．
6 則留言:
炒家接近要消失~
投資者都觀望~因為未夠平
得返用家頂~
用家係03年到08年上半年都未買的話...
08年下半年又會唔會追?
呢班看淡了咁多年的人..
正常都係keep住睇淡~
當然...都仲有換樓客ge...
回應sp,
雖然如此,但散仔又唔會睇得太淡.
保持開放,隨遇而安.
其實而家mortgage生意都小左好多, 點解bank要收緊mortgage 條件
回應kkcc,
散仔聽到好多消息,都唔知堅定流.
不過,大多數主流的原因,是銀行做夠數,或投資按揭限額用完等.
而家先年中, 咁快就夠數?? 我有啲疑問. 另外, 我見痕生嘅估價都未調低喎...
好似又未係咁淡, 雖然我都想佢跌深啲....
回應準業主,
那些消息都是散仔打探回來,有幾多成真,要自行判斷.但收緊對投資者的按揭就是事實.
散仔不知道準業主所查的樓盤情況.散仔所觀察的,主要是港島及九龍的大型屋苑.
個別屋苑,恒生的估價已經在今個月,連續下調兩次,下調幅度為3%.有個屋苑,剛於昨日下調,幅度為2%.
如果跟得太貼,定力不夠,其實都幾心寒.
發佈留言