之前報告過，有朋友係恒生做按揭，最後只是批出P．之後承諾大家了解目前按息情況．
經過散仔的明查暗訪，與銀行的朋友確認後，終於有了結果．
調查結果是恒生講一套做一套．
其實，按息趨升是事實，以中銀為例，本來是做緊P-2.5至P-2.9，目前最好都是做P-2.7，沒有現金回贈．另一間星展，就可以做H+0.6orP-2.75．
恒生係點？柯清輝係電視前面講，雖然調升按息至P-2.5，但熟客就可以P-2.75．
實際是，經過兩個朋友的實例証實，恒生目前的按息政策是，新客可以P，熟客就P-1，沒有現金回贈．
散仔朋友已經屬於高薪一族，還款能力完全沒有問題．
點解會咁？散仔聽到的傳聞是，恒生按揭部已經完成今年或半年目標，所以有趕客之疑．(散仔需要強調是聽聞)
對客戶來講，新做按揭事少，恒生唔做你生意，至少你可以揀其他銀行．最多你只可以講恒生沒誠信，講一套，做一套．
但是，如果你是舊客戶，你想加按，當其他銀行做緊P-2至P-2.75，但在恒生，目前你只可做到P至P+1，最慘是你無得揀．
據朋友所講，恒生是唔熟唔食．做按揭時，無想過在恒生做按揭會有爆Quote的風險，當全世界加按做緊P減的時候，銀行只顧及自身利益，可以只是俾個P你，差幅可以超過兩厘．
散仔對住這兩個朋友都無咩好講．只可以奉勸各位，就算將來恒生按揭有什麼優惠，你都要想清楚先，因為有可能遇到不可遇見的風險，你等錢使時，分分鐘失預算．
8 則留言:
從各朋友和blog友分享裡面得知，現時實際按息已被扯高，新造自住物業做到2.5%已經不錯。
投資物業可能要做2.75%甚至更高。
現時投資物業已較早前多了一重考慮。
除非租金企硬，而樓價真的回落5-10%，否則每個月供款增加，租金收入不可以抵銷供樓支出。
不知散仔兄有何高見？
大前題係供應冇增加下...
業主肯唔肯減租?
租金似keep住升!你看看沙中、好運o個d租金有冇跌過?
開學前又係renew 租金的時期...
不要看得太淡!
反正又唔係加重現時已做左mortage的人的負擔!收租者根本唔洗理上上落落~睇住自己的租金有冇得再加就得ga la!
回覆et仔,
散仔認為息口並不是影響樓價的最重要因素,息口只是表象,要了解背後更實質的意義.(要提醒一下,這觀點同其他人好唔同.)
而且供平過租其實有點唔合理,消失咗都唔出其.
至於樓價,散仔在5月時預測會下調5至10%,目前都沒有更改.
回覆bx,
同意不要看得太淡這一點.
至於租金,就比較難說得準.從散仔所觀察的屋苑中,與年頭比較, 部份已經有輕微下調, 但又未成為一個趨勢.
至於好運,散仔收到消息(未必可靠),有經紀之前在收盤炒賣,是好是壞,要自行判斷.
散仔，你誤會了，我並不認為息口是主要因素，我的意思只是息口升會令投資者回報降低。
個人認為供求因素、政府勾地政策、市民家庭收入……都是重要因素。
回應et仔,
同意.並不是單一因素影響樓價.
個人特別不喜歡供求因素,一來需求是可改變,二來只是塘水滾塘魚.
「個人特別不喜歡供求因素,一來需求是可改變,二來只是塘水滾塘魚.」
願聞其詳。 你指因為樓市升，多人買，多人炒，需求增，供應少，樓市又再升…… 好似九六九七時那種？
回應et仔,
關於供求因素,下週另文回覆.
發佈留言