近排工務繁忙，所以好少留意電視節目。碰巧前幾日早咗返屋企，電視正播著師奶股神，內容大致如下：
King Sir（股票行高層）手持大量某公司股票，眼見Uncle（應該是大有錢佬，大莊家或有內幕消息人士）已經出貨，King Sir見勢色唔對，又想盡快出貨．
但手持大量貨源，出貨即產生龐大沽壓，咁點算？
King Sir第一步就是推介及唱好有關股票，第二，就是鼓吹散戶們開立孖展戶口，加大接貨能力．
最後，當然是King Sir成功出貨，開立新公司，而散戶們就要斬倉離場．
散仔雖然唔知前文後理，但覺得這段都寫得幾真實．
其實，不論在股市或樓市，都會有人為了自身利益，而作出了偏面的言論或分析，從而影響大眾的投資決定．（散仔都可能是其中一個，所以大家睇散仔筆記時要諗清楚，哈哈！）
所以，當散仔係報章見到有人推介自己所持有股票的時候，第一時間的反應就係“弊傢伙”．
4 則留言:
Morgan Stanley 最近就來了這一招。匯控$110時又唔話買，升到$135就話買入，好快就大跌左$10...... 真係令人懷疑。
回覆et仔,
講真定講假有時好難分(不過散仔通常假設講假先).
散仔都是喜歡d股票少人講好d.
散仔兄,你最近好懶出post wor...
等到頸都長啦喂><
果林
回覆果林,
哈哈,俾你發現咗!其實近排工事繁忙,所以慢咗更新.
散仔諗咗幾個Topic,睇吓今個星期出唔出到.
謝謝支持!
發佈留言