承接力

不論傳媒及各大代理都話御龍山熱賣，話現價出現巨大的承接力．散仔對市場另有一番解讀．

先講御龍山，該盤開售至今約一周，售出約七至八成的單位，其實賣得都唔錯．但係你話承接力好好咩，散仔又唔多覺．

發展商目前的銷售策略都幾一致，就是唱高開低，就算加價加推，都非常收斂．最大原因，當然是新盤呎價的溢價已高，再上調呎價空間有限．但另一方面看，發展商對市場的承接能力亦都可能有懷疑．

至於去年熱銷的海濱南岸，家吓加推景觀更開揚的１座單位，只可以話平價推售，還有各種優惠，如即供優惠，租金保證等，但反應只是一般．

如果話首都二千個單位可以凍結購買力的話，那市場的購買力實在是被高估．在08年，估計有一萬個單位推出，等如5個首都，在09年，估計有萬二個單位，等如6個首都．個市要每兩個月凍結一次，你話傷唔傷？

供應少咗是事實．睇番1966年，樓宇落成量達30472個，只睇數量淨額，根本同宜家無得比．但我地需要知道，目前市場的吸納量已經不能同日而語．

在這基礎上，散仔認為目前樓市在現價的承接力只是一般（尤其是新樓），樓價會繼續在窄幅調整．想置業安居的朋友，散仔繼續維持多睇多比較的建議．

散仔無意唱淡樓市，唱淡樓市對散仔都無好處（散仔持貨絶對唔少）．散仔只是本著傳真的精神，為大家提供另類意見．