不太舒服

近來各大代理，以成交量大幅回升，來推斷樓市調整快將完結．又有眾多博客為樓市搖旗吶喊，什麼入市信號，什麼爆升．可能是散仔多心，或基於反叛的性格，感覺上是不太舒服．

以散仔所見，目前只有曹仁超話樓市未來樓價呈膠狀態，而博客林奇就看淡．

客觀上，樓市大跌的可能頗少．就以剛協助家人購入的單位為例，購入價當然是筍價，比估價有10％的折讓，最差的表面租務回報有5.2厘，平均水平的有5.4厘，理想的有5.8厘，計及可能的租金升幅，有可能達6.1厘．

牌面計，輸的可能性是非常少．講真，如果有多一個盤，散仔自己都會再入．但如果話短期內樓市能夠大升或出現明顯轉向，散仔又覺得唔係好似．所以散仔維持今年的第二季及第三季是入市的時機，但那個時間最筍，就講唔到你聽．

記住，散仔是以投資者的角度去思考，如果閣下置業是用來自住，長期持有，計完數負擔得起，Why not?

散仔覺得目前買家入市的信心不是很強，有可能受以下的短期因素影響．

１．新盤滯消
２．股市大瀉
３．突發事件

散仔現在間唔中都有出價，通常都會在筍盤價再加5％的折讓，租務回報率需要5.5至6厘，以提高安全系數．當然，目前買到的機會比較低．