斷估好辛苦

對於未來的經濟發展或樓價走勢，很多網友都希望散仔能提出更多實質的數據，來支持睇好的依據．

例如：未來5年的租金增長？利率走勢？或者甚至是GPD增長？

散仔好老實講，散仔唔知道，無估過，亦唔覺得需要估．

散仔連自己明年能夠加幾多錢人工都估唔到，又點估租金能夠增加幾多，利率走勢同GDP增長！

正如散仔過年前買咗個水仙球，唔使估都知佢會開花啦(除非買咗個次貨)！但幾時開就好難估，好似今年天氣涷，就遲咗開．

作為投資者，散仔覺得只需要知道：

１．水仙需要什麼環境才能開花？（例如水，光，季節）
２．天氣熱，會早些開
３．天氣凍，會遲些開

有這些知識就夠啦！你要散仔估年廿五至年三十晚溫度是多少？每日會生高幾多？生到幾高至開花？點估呀！估咗都唔準啦！

投資者知道一兩件一定會發生事就已經好足夠！斷估，真係好辛苦！

唔知這樣比喻，大家明唔明散仔的思考方式呢？