認叻

散仔夠膽講，散仔喺係香港第一個人（包括報章同Ｂlog）講香港樓市在農曆年後不會大升的人。

散仔唔係話認叻，只係對一啲煽動性的樓市分析深感厭惡。樓市推銷員的目的只有一個，就係希望你買樓。點樣可以令你買樓，就係令你對樓價有升值的憧憬。

買樓對大部份人來講，是一生人最大的投資，如果誤信坊間分析作投資決定，後果真的可大可小。

散仔係宜家唔係睇談樓市，反而是對樓市在未來５年的發展感覺偏好。散仔同大家講咁多嘢，只係希望帶俾大家一啲對市場唔同的見解，令大家有更多角度去思考問題。

作為一個投資者，散仔認為最重要是有獨立思考，要大膽假設，有時啲假設對或錯不是重點，最重要是點樣小心求証。

關於香港樓市，散仔好喜歡睇脫苦海同麒麟王的Blog，雖然有時散仔都唔係全部認同，但佢地真係會帶好多新思維俾大家。

http://hk.myblog.yahoo.com/tokuhon_blog
http://hk.myblog.yahoo.com/fred-lau

今日寫住咁多先啦！近排寫咗好多關於樓市的文章，３月是業績公佈期，可能會講返對股票市場Ｄ睇法。