買舊樓好過新樓

當你買樓的時候，經常會聽到ｄ經紀話買新樓好過舊樓，新樓ｄ升幅會勁好多，究竟係唔係呢？散仔做咗ｄ分析．

以下數據由中原網站取得，以０５年１月的平均樓價為基數，分區比較各屋苑的樓價增幅．

散仔發現，樓齡越大，升幅越大．這一現象與經紀講的剛剛相反．散仔估計有可能因為：

１．發展商在開售新樓時，定價比市場高，樓價需要一段時間才能與市場升幅同步．

２．新樓較舊樓貶值更快（與汽車一樣），資產貶值抵銷部份的樓價升幅．

新樓配套齊全，相信大多數人都希望住新樓，散仔都唔例外．但如果買來是為了投資，舊樓可能更合理．

港島東：太古城，鯉景灣及嘉享灣的地理位置相當接近，而且大家都係龍頭屋苑，可比較性很強．太古城和鯉景灣與０５年１月比較，樓價升幅約為３５％，而嘉享灣就只有３０％

港島西：屋苑比較少，新派屋苑有泓都及帝后華庭，舊屋苑取了嘉輝花園，創業中心及高樂花園作比較．在這區，舊屋苑的升幅相當明顯．

九龍東／將軍澳：匯景花園及淘大花園的升幅遠超過新都城，維景灣畔及蔚藍灣畔．

以上分析唔算全面，樓齡只是影響樓價的其中一項因素．

從另一方面睇，你可以話新樓可以追落後．或者，如果你搵到ｄ舊屋苑升幅較同區新樓少，都可以追落後．當然，散仔會買舊屋苑多ｄ，因租務回報較高．

最後，散仔想講都係嗰句，要有獨立思考．

另外，中原係提高市場透明度做咗唔少功夫，值得一讚．