炒家樂園

散仔自認為是一名長線投資者，但每逢睇樓，地產經紀通常都認為散仔是炒家．就算散仔表明買樓的目的是長線收租，不會摩貨，但經紀一般都以炒家來形容散仔．無奈！

今日的題目就講下炒家樂園．主要以淘大花園及沙田第一城來作討論．

散仔曾經聽一位地產經紀講過，未炒過沙田第一城，未炒過淘大花園，都唔可以講自己是樓市炒家．

由此可見，沙田第一城及淘大花園是有一定的江湖地位．

要成為炒家盤，其實要有幾個因素．

第一， 交投要多，入貨及走貨容易，
第二， 銀碼較細，佔用資金成本較輕，
第三， 要有高知名度，做按揭容易，可享有較長的供款年期，估價較快更新，
第四， 租務比例較高，進可攻，退可守．

而炒家盤有兩個非常重要的特性．
一， 對市場反應較為敏感
二， 樓價波幅較大

以一個淘大花園高層的462單位為例，在07年初，樓價大約於140萬的水平，到08年1月，樓價己經飊升至220萬，升幅為57％

過年後，樓市逆轉，大量出貨盤湧現，樓價可在一兩個月內急速下跌至170萬的水平，跌幅為23%．

經過向下尋底成功，目前樓價大約在180萬至190萬的水平．

另一方面，散仔發覺不同的炒家樂園亦有少許不同的特性．

從以上的例子，淘大花園的特性是先急速尋底後反彈，而沙田第一城的情況有點不同．

以一個395有台的中層單位為例，由年初的17X萬，到16X萬，到15X萬，到目前的14X萬．

咁，作為投資者，應唔應該投資炒家樂園呢？

散仔認為當然可以，但掌握買入或賣出的時機相對變得重要．

在高峰期買入，所受到的損失可能倍於整體大市．相反，在低潮位買位，賺幅亦都會倍於大市．

至於如何掌握時機，好難三言兩語講得清楚．但經驗，冷靜，逆向思考，都是很重要的因素．